Protecziun, per il guaud da protecziun. Bergwaldprojekt.
Guaud da muntogna
Dapi ch’ins po sa regurdar è l’uman dependents dal guaud sco zona da protecziun. El protegia nus da lavinas, bovas da crappa, erosiun ed auas grondas. En il medem mument lia el CO2 e serva sco spazi da viver per bleras specias d’animals e plantas, sco areal da recreaziun e furnitur da laina.
Bergwaldprojekt
Il Bergwaldprojekt datti dapi 1987. Igl è ina fundaziun d’util public cun sedia a Trin GR. Ses intent èsi da mantegnair, tgirar e proteger il guaud sco era da promover la cuntrada cultivada en il territori da muntogna. El fa quai oravant tut cun lavurs da tgira e da sanaziun en acziuns specificas. In ulteriur intent èsi da promover la chapientscha publica per ils fatgs dal guaud. Dapi l’entschatta enfin oz han radund 75’000 voluntaris lavurà per il Bergwaldprojekt en territoris en Svizra, Germania, Austria, Catalonia e Principadi da Liechtenstein. Il Bergwaldprojekt è neutral da ses aspect politic e confessiunal.
Idea e finamira
Laics forestals van en il guaud da muntogna e prestan engaschis voluntaris da lavur. Al lieu d’acziun survegnan els invista ed informaziuns da spezialists davart ils fatgs e connex dal sistem ecologic fascinant dal guaud da muntogna. Atras lur engaschi pon ils voluntaris percepir e sentir il guaud da muntogna en contact direct. Els pon latiers contribuir activamain da mantegnair l’effect da protecziun multifar dal guaud da muntogna. Quai promova la schientscha persunala ed ecologica dal singuls voluntari.
Sustegn
La lavur dal Bergwaldprojekt pussibiliteschan contribuziuns da commembers, donaziuns, legats sco era contribuziuns da proprietaris da guauds. Las grevezzas derivantas dal stgaudament dal clima, las midadas structuralas en il forestalesser pervia dal ferm franc svizzer sco era pretensiuns augmentadas envers l’effect da protecziun fan che la pli pitschna donaziun è ina necessitad absoluta. Il guaud da muntogna dovra Voss sustegn! Engraziel fitg!
Conto per donaziuns: CH15 0900 0000 7000 2656 6
Il Bergwaldprojekt è autorisà cun il sigil da qualitad «Zewo», quel garantescha in diever effectiv, confurm a l’intent ed economic da las donaziuns.
